The Descendants (2011)
IMDb – 7.3/10_______Rotten – 89%
Won 1 Oscar. Another 65 wins & 146 nominations
The Descendants (2011)
———————————
IMDb: 7.3
Rotten Tomatoes: 89%
Genre: Drama/(Comedy)
Matt King တို့ မိသားစုဟာ သူတို့ရဲ့ ဘိုးစဉ်ဘောင်ဆက် တွေကတည်းက ဒီဟာဝိုင်အီကျွန်းလေးပေါ်မှာဘဲ နေလာခဲ့ကြတာပါ။ အဲဒီ ဘိုးဘွားတွေဆီကနေ အမွေရခဲ့တဲ့ Kauai ကျွန်းပေါ်က မြေဧက ၂၅၀၀၀ ကို သူနဲ့ သူ့ရဲ့ ဝမ်းကွဲညီကိုတွေ အားလုံးပိုင်ကြတယ်။ သူက ရှေ့နေ၊ အလုပ်နဲ့ အကိုင်နဲ့ဆိုတော့ ငွေရေးကြေးရေးက အခက်အခဲ သိပ်မရှိဘူးပေါ့ဗျာ။ ကုန်းတွင်းအမေရိကားက သူ့သူငယ်ချင်း တော်တော်များများကတော့ သူ့ဘဝကို ဟာဝိုင်အီ သုခဘုံလေးမှာနေပြီး ပြီးပြည့်စုံတဲ့ ဘဝလေးလို့ ထင်နေကြတာပေါ့။
“Paradise!!!… Paradise can go fuck itself.”
စုပေါင်းအမွေရထားတဲ့ ဧက ၂၅၀၀၀ လုံးကို စီမံကိန်းတစ်ခု အကောင်အထည်လာဖော်ဖို့ ဝယ်မယ့်သူကလဲ အဆင်သင့်ရှိတယ်။ ရောင်းမယ် မရောင်းဘူးဆိုတာကတော့ သူ့အပေါ်မှာဘဲ မူတည်နေတာကိုး။ သူ့ရဲ့ဝမ်းကွဲတွေ တော်တော်များများကတော့ မွဲနေကြပြီ။ အရောင်းအဝယ်ဖြစ်ဖို့ကို မျှော်နေကြတာ။ သူ့မိန်းမ Elizabeth လွန်ခဲ့တဲ့ ၂၃ ရက်လောက်တုန်းက မော်တော်ဘုတ်စီးပြိုင်ပွဲတစ်ခုမှာ မတော်တဆ ခေါင်းထိပြီး မေ့သွားတယ်။ သူကြားလိုက်တဲ့အချိန် ဒီမြို့မှာ သူရှိမနေခဲ့ဘူး။ သူရောက်လာတဲ့ အချိန်မှသိရတာ သူ့မိန်းမ coma ဖြစ်သွားပြီ။ ပြန်ကောင်းလာနိုးနိုး စောင့်နေရင်း ခုဆိုဆေးရုံမှာ တစ်လတောင်ရှိတော့မယ်။ တကယ်တော့ သူနဲ့က အိမ်ထောင်ရေး အဲလောက်ထိ အဆင်ပြေခဲ့တာမဟုတ်ဘူးလေ။ အချင်းချင်း စကားမပြောတာတောင် လတော်တော်ကြာသွားပြီ။ အိမ်မှာ တစ်ချိန်လုံး ဆိုးသွမ်း ကလန်ကဆန်လုပ်နေလို့ အခြားကျွန်းပေါ်မှာ ကျောင်းသွားထားထားတဲ့ ၁၇နှစ်အရွယ် Alex ဆိုတဲ့ သမီးအကြီး တစ်ယောက်ရှိတယ်။ နောက်ဆုံးတစ်ခေါက် အိမ်ပြန်လာတုန်းက Alex နဲ့ Elizabeth တို့ ကိစ္စတစ်ခုကြောင့် အငြင်းအခုန်ဖြစ်ကြပြီး အမေနဲ့သမီး ဆက်ဆံရေးကလဲ အဆင်မပြေဘူး ဆိုပါတော့။ ပြီးတော့ ဆယ်နှစ်အရွယ်ဘဲရှိသေးတဲ့ သမီးငယ် Scottie၊ သူ့အပြုအမူတွေကလဲ နည်းနည်းဆိုးလာပြီ။ သူကိုင်တွယ် နိုင်ပါ့မလားမှန်းတောင် မရေရာတော့ဘူး။ အဲဒါလား သုခဘုံ…
ခုဆို Elizabeth ရဲ့ဦးနှောက်က အလုပ်မလုပ်တော့ဘူး၊ မျောနေရုံဘဲ ရတော့မှာ ကောင်းလာဖို့ မရှိတော့ဘူး။ ဒါကြောင့် Alex ကျောင်းကနေ ပြန်သွားခေါ်လာ တော့တယ်။ အဲဒီမှာ Alex က တစ်ခုခုကို ဖွင့်ပြောလာတယ်။ သူနဲ့ သူ့အမေ ရန်ဖြစ်ခဲ့တဲ့ ကိစ္စလေ။ အမေ နောက်ယောကျ်ားတစ်ယောက်နဲ့ ရှုပ်နေတာတဲ့…
Matt King အဖြစ် သရုပ်ဆောင်ခဲ့တဲ့ George Clooney ရဲ့ performance ဟာ လူတွေပါးစပ်ဖျားထဲကနေ ချလို့မကျခဲ့ပါဘူး။ ဘိုးစဉ်ဘောင်ဆက် ပိုင်ခဲ့တဲ့ မြေတွေကို ဝမ်းကွဲတွေရဲ့ ဆန္ဒအတွက်နဲ့ ရောင်းဖို့ မရောင်းဖို့ကလဲ ခေါင်းခဲနေရတယ်။ ကလန်ကဆန် သမီးနှစ်ယောက်နဲ့ ဆက်ဆံရေး မပြေလည်ရတဲ့ အထဲ သေခါနီးမိန်းမရဲ့ လျှို့ဝှက်ချက်တွေကို သိလိုက်ရသေးတယ်။ သဘာဝတရားရဲ့ တစ်စဆီ ဆုတ်ဖြဲတာကိုခံလိုက်တဲ့ မိသားစုရဲ့ အဖေတစ်ယောက်အနေနဲ့ စိတ်ထောင်းပေမယ့် ကိုယ်မကြေနေတဲ့ ဇာတ်ရုပ်ကို ကွက်ကွက်ကွင်းကွင်း မြင်သာအောင် သရုပ်ဆောင်နိုင်ခဲ့လို့ပါဘဲ။ အဲဒါကြောင့်လဲ OSCARS အပါအဝင် အခြားဆုပေးပွဲတွေမှာ အကောင်းဆုံး မင်းသားဆု ဆန်ကာတင်ခဲ့ပြီး Golden Globes မှာ ဆုတောင်ရခဲ့ပါတယ်။
ပြီးတော့ Alex အဖြစ် သရုပ်ဆောင်ခဲ့တဲ့ Shailone Woodley ရဲ့ performance ပါပဲ။ အဖေရဲ့ စွန့်ပစ်တာကို ခံခဲ့ရဖူးတဲ့၊ အမေရဲ့ သစ္စာဖောက်နေတာကိုလဲ မြင်ခဲ့ရတဲ့ ဒေါသထွက်ပြီး နာကျင်ဝမ်းနည်းနေရတဲ့ ဆယ်ကျော်သက် ကောင်မလေးတစ်ယောက်ရဲ့ စရိုက်နဲ့ တစ်ထပ်တည်းကျအောင် ချပြနိုင်ခဲ့တာကြောင့်လဲ ဝေဖန်ရေးတွေရော ပရိသတ်တွေပါ မချီးကျူးဘဲ မနေနိုင်ခဲ့ပါဘူး။ ဒီကားမှာ ပြောင်မြောက်လှတဲ့ သူ့ရဲ့ performance ကြောင့် နောက်ဇာတ်ကားတွေမှာ leading role ကို အချိန်တိုအတွင်း လျှောက်လှမ်းလာနိုင်ခဲ့တာပါ။ Golden Globes မှာ အကောင်းဆုံး ဇာတ်ပို့ မင်းသမီးဆုတောင်မှ ဆန်ကာတင်ပါခဲ့ပါသေးတယ်။ နောက်ခံ ဟာဝိုင်အီ တီးလုံးတွေနဲ့ သီချင်းတွေကလဲ ဇာတ်ကားထဲ မျှောနေစေမှာပါ။
ဒါရိုက်တာ Alexander Payne ရဲ့ အကောင်းဆုံး ဇာတ်ကားတွေထဲကတစ်ကားပါ။ ဒီဇာတ်ကားဟာ OSCARS မှာ အကောင်းဆုံး ဇာတ်ကားဆု၊ ဒါရိုက်တာဆု၊ ဇာတ်ညွှန်းဆု၊ မင်းသားဆု နဲ့ တည်းဖြတ်ဆု ငါးဆုဆန်ကာတင် ပါခဲ့ပြီး ဇာတ်ညွှန်းဆုတစ်ဆုသာ ရသွားခဲ့တာပါ။ ၂၀၁၁ ရဲ့ Top Ten List တော်တော်များများမှာ ထိပ်ဆုံးတွေက ပြေးခဲ့ဖူးတာမို့ မြည်းကြည့်လိုက်ကြပါဦး။
(ရုပ်ရှင်အညွှန်းကို Movie Movies FB Page မှကူးယူဖော်ပြပါသည်။)
File size…(906 MB)
Quality…BR-Rip 720p
Format…mp4
Duration….01:55:00
Subtitle….Myanmar Subtitle (Hardsub)
Encoder….Nyeinsaeya Aung
ရုပ်ရှင်များကို လွယ်ကူစွာကြည့်ရှုလိုပါက CM App ကို www.cmapp.tv မှာ ရယူပါ။ CM App မှာ Streaming လည်းရသလို One Click Download လည်း ပြုလုပ်နိုင်ပါတယ်။