Happy New Year (2014)

Happy New Year !!!!

အလုပ်ပိတ်ရက်မှာ မိသားစုနဲ့ ရုပ်ရှင်ကြည့်ဖို့ စိတ်ကူးထားရင်တော့ ရုံတင်နေပြီဖြစ်တဲ့
ဂီတ ဟာသဘောလိဝုဒ် ရုပ်ရှင်ကားလေးက စိတ်ကြည်နူးပျော်ရွှင် စေနိုင်မှာပါ။ နာမည်ကြီး သရုပ် ဆောင်တွေ ဖြစ်တဲ့ ရှာရွတ်ခန်း၊ အဘီရှက် ဘက်ချန်း၊ ဒီပီကာ ပါဒူကုန်း၊ ဘိုးမန်းအီရာနီ တို့တစ်တွေကို တစုတစည်းတည်း ကြည့် ရှုရမှာပါ။

ချာလီလို့ လူသိများတဲ့ ချန် ဒရာမိုဟန်မန်နိုဟာရှာမာဟာ ချာ ရန်ဂရိုဗာဆိုသူကို လက်စားချေ ဖို့အတွက် ဖိုက်တာတစ်ယောက် အနေနဲ့ ရှစ်နှစ်နီးပါး စောင့်ဆိုင်း နေခဲ့ပါတယ်။ သူ့အဖေဖြစ်သူကို ရှာလီမာစိန်တွေ ခိုးယူတယ်ဆိုပြီး ချာရန်ဂရိုဗာက စွပ်စွဲခဲ့လို့ သူ့အ ဖေဟာ သူခိုးတစ်ယောက်အဖြစ် နာမည်ဆိုးတွင်ကျန်ခဲ့ရတဲ့အ တွက်ပဲ ဖြစ်ပါတယ်။

ချာလီဟာ သတင်းတစ်ခု ဖတ်ရင်း ခရစ္စမတ်နေ့ မတိုင်ခင် တစ်ရက်မှာ အတ္တလန္တိတ်ဟိုတယ် ကို စိန်တွေ ရောက်ရှိမယ်ဆိုတာ သိရှိခဲ့တာကြောင့် ခိုးယူဖို့ ကြိုး စားပြီး ဂရိုဗာကို အမှုဆင်ဖို့ ကြံ စည်ခဲ့ပါတယ်။ သူလှုပ်ရှားဖို့အ တွက် အဖွဲ့ဖွဲ့ခဲ့ပြီး အဲဒီအဖွဲ့ထဲ မှာ အကြားအာရုံချို့တဲ့တဲ့ ဂျက်ဂ်၊ အဝလွန်နေတဲ့ တမ်မီ၊ ဟက်ကာ တစ်ယောက်ဖြစ်တဲ့ ရိုဟန်ဆင်း တို့ ပါဝင်ပါတယ်။

ပြဿသ နာတစ်ခုက ဂရိုဗာရဲ့ မြေအောက်ခန်းကို ဝင်ဖို့ရာမှာ လက်ဗွေလိုအပ်ပြီး အဲဒီအခန်းကို အချိန်တိုင်း ဝင်ထွက်ခွင့်ရတာက ဂရိုမာရဲ့သား ဗစ်ကီတစ်ယောက်ပဲရှိတာကြောင့် သူနဲ့ ရုပ်ချင်းဆင်တဲ့ နန်ဒုဘီဟိုက်ရဲ့ အကူအညီယူဖို့ လုပ်ဆောင်ပါတော့တယ်။ ဆာလီတို့အဖွဲ့ဟာ ဂိုဒေါင်တစ်ခုတည်းမှာ စစ်ဆင်ရေး အကြိုလေ့ကျင့်ခဲ့ပြီး အတ္တလန္တိတ်ဟိုတယ်ထဲက စိန်ထည့်တဲ့နေရာမှာ အားနည်းချက်ကိုပါ တွေ့ရှိခဲ့ကြပါတယ်။ စိန်တွေထားတဲ့အခန်းဟာ အခန်း 9C နဲ့ ချိတ်ဆက်ထားတာ ဖြစ်ပြီး အဲဒီအခန်းဟာ အကပြိုင်ပွဲမှာ ဆုရမှသာလျှင် ဖွင့်ပေးမှာဖြစ် ပေမယ့် သူတို့တစ်ဖွဲ့လုံး မကတတ်ကြပါဘူး။ ဒီလိုနဲ့ အဲဒီအခန်းထဲဝင်ဖို့အတွက် အကပြိုင်ကြဖို့ လုပ်ဆောင်ခဲ့ကြပြီး ဘားကချေသည် မိုဟီနီဂျိုရှီဆီကနေ အကသင်ယူကြရပါတယ်။

စိန်ခိုးဖို့ လုပ်ရာကနေ အကပြိုင်ကြရင်း ချာလီတို့အဖွဲ့ ဘာတွေဖြစ်ကုန်မလဲ၊ ဂရိုဗာကိုရော လက်စားချေနိုင်သလား။အတိုက်အခိုက်တွေကြားက ဟာသပြကွက်တွေ၊ အကပြကွက်တွေ ရှုစားရမှာမို့ ဘောလိဝုဒ်ရသတော့ အပြည့်အဝခံစားရမှာပါ။

အိန္ဒိယဇာတ်ကားတွေရဲ့ ထုံးစံအတိုင်း အကအလှတွေနဲ့ တန်ဆာဆင်ထားပါတယ်။ ရိုက်ကွင်းအများစုဟာ ဒူဘိုင်းက Atlantis, the Palm ဟိုတယ်မှာ ရိုက်ကူးထားပြီး ဇာတ်လမ်းရိုက်ကူးနေစဉ်အတွင်း မင်းသား ရှရွတ်ခန်း လက်မောင်းပြုတ်သွားခဲ့ပါသေးတယ်။ ဘောလိဝုဒ်မှာ လောလောဆယ် Dhoom 3၊ Chennai Express နဲ့ 3 Idiots တို့နောက် နံပါတ် ၄ ဝင်ငွေအများဆုံးအဖြစ် ရပ်တည်နေပါတယ်။ ဒူဘိုင်းရဲ့ အလှအပတွေနဲ့ အိန္ဒိယအကတွေကို ဟာသနဲ့ အက်ရှင်တွေ ရောညှပ်ပြီး ရိုက်ကူးထားတာမို့ အတော်လေး ကြည့်လို့ကောင်းပါတယ်။ စိတ်ပြေလက်ပျောက်၊ အပန်းဖြေ ကြည့်ချင်သူတွေ၊ ဟာသကား ကြိုက်တတ်သူတွေ ကြည့်သင့်တဲ့ ဇာတ်ကား တစ်ကားပါ။
(ရုပ်ရှင်အညွှန်းကို 7Daily မှကူးယူဖော်ပြပါသည်။)